ye boonde barkha ki
tap tap aavaz karti
aviarat girti,jaise koi
unhe aant hi na ho...

badal gaya rang aasmaka
neelima uski lupt ho gayee
chhayee ghata charo oor

boond boond se bani dhara
dhara dhara se bana zarna
utshrunkhal aisa
 
karta manmani
nikala pahad se
apani rah banate

chalte chalte mile
use kai saathi
zarne naye us jaise

dekha unonhe sapana
bankar nadi bahane ka
sagar ko milne ka

dharti ki ham buzayenge pyas
kare use sujalam-suphalam
na rahe koi bhookha-pyasa

he manav... samahalo is jeevan ko
ishwar ke subhashish ko
aur karo unnati apani

yahi hai is jeevan ki kahani!